Dende 1997 e grazas á iniciativa da Asociación Española de Amigos do Libro Infantil e Xuvenil, cada 24 de outubro celébrase o Día da Biblioteca. Como se pode deducir, o obxectivo principal é o de fomentar a utilización de bibliotecas como un servizo fundamental do dereito ao libre acceso á información.
BIBLIOTECA ESCOLAR, ESPAZO DE LECTURAS
As Bibliotecas Escolares Galegas existen, están en marcha. En moitos centros escolares é xa unha realidade este espazo vivo de encontro coa palabra e a imaxe, o lugar no que "a información pode converterse en coñecemento", a biblioteca á que acoden todos os nenos e nenas, a máis próxima, na que se inician como lectores no contacto satisfactorio coa palabra falada e coa palabra escrita.
Lectura de todo tipo de texto, en todo tipo de soporte, con todo tipo de finalidades, velaí de que falamos cando falamos de lectura nestes momentos. A biblioteca escolar, espazo de lecturas: de lecturas literarias, de lecturas poéticas, dramátizadas, en compañía, en silencio, con música de fondo, en voz alta; lecturas de imaxe, lecturas de gráficos, mapas, cadros, ilustracións, lectura da banda deseñada, o cine; lecturas informativas: o xornal, a revista divulgativa, a enciclopedia, a monografía que amplía e profundiza, o diccionario; lecturas para contrastar, para ampliar... lectura en pantalla, lectura en papel... lecturas.
Ligazóns:
Blog bibliotecas Xunta
Blog Hora de Ler
Librosaeito
Redelectura
Non descansas eh!! Aquí tíñalo fresquiño..jej.
ResponderEliminarCantos tipos de lectura..mimadriña!! pero faltouche poñer a lectura con música de fondo..jej.Igual tamén resulta,ou!
Os apuntes ó final sempre valen para algo.Moi ben eses enlaces!